Tavsif
Bitiruvchi sinf o‘quvchisi Chen Nyan yakuniy imtihonlarga bor kuchi bilan tayyorlanadi. Sinfdoshlaridan biri bulling tufayli kampus balkonidan sakrab, halok bo‘lgach, Nyaning o‘zi ham mazax va tazyiqlarga duchor bo‘ladi. Onasi doimo safarda bo‘lgani uchun qiz yordam so‘raydigan hech kimi yo‘q, shu sababli u barchasiga chidashga va o‘qishga e’tibor qaratishga harakat qiladi. Bir kuni Nyan tor ko‘chada bir yigitning kaltaklanayotganini ko‘rib qoladi. Politsiyaga qo‘ng‘iroq qilmoqchi bo‘ladi, ammo oxir-oqibat o‘zi ham kaltaklanadi. Baxtsiz hodisa tufayli tanishgan yigitning ismi Syao Bey bo‘lib, u qarovsiz bola, mayda jinoyatlar bilan kun kechiradi va xarobada yashaydi. Ikki yolg‘iz inson o‘rtasida g‘alati do‘stlik paydo bo‘ladi va Nyan tajovuzkor sinfdosh qizlardan himoya qilishini so‘rab, yigitga murojaat qiladi.
